Inyalin baasa bara blog Suparman
Auh kesah uluh huran, Kerajaan Bataguh puna awan Kerajaan hai ije puji bakuasa intu Kapuas. Bara jejak ji tau dinun bara Bataguh adalah bawak dadu uluh huran.
Dadu je harun diunun jituh inampa uluh huran bara kayu tabalien, model ah persegi panjang. Wayah tuh dadu jite jadi tempun Ketua RT intu wilayah Handel Alai, Kabupaten Kapuas.
Huang foto je iandak huang hunjun ulih gitan dadu dengan papire bawak batu, kute kea tege galang bara timah.
Dengan inyundau dadu jituh maka batambahlah pangatawan itah bahawa bara zaman huran, masyarakat kerajaan Bataguh jadi kasene tuntang tau barusik dengan usik dadu.
Beda dadu Bataguh dengan dadu moderen iete mata dadu tikas bamata ije sampai epat bewei (1-4), dia sampai bamata jahawen manurut je ingasene uluh are huang zaman jituh.
Bara zaman pea usik dadu jadi tame huang Kerajaan Bataguh atawa lingkungan rakyat umum Kapuas, dia ulih iungkap lagi. Lamun jite, bara kesamaan model rupa ah, permainan dadu ulih indawa jadi tege sakira ije zaman dengan dadu ji tege huang China atawa Mesir nyelu sakitar 600 sahindai Yesus lahir. Malah menurut dawaan je bakas hindai, tege kemungkinan dadu intu lewu Bataguh jadi tege 2000 nyelu sahindai Masehi.
Dengan fakta jituh maka kuat dawaan bahwa Kerajaan Bataguh jadi tege hubungan langsung je luas dengan kerajaan-kerajaan bara luar.
Inyampai tuntang impos awi Syamsuddin Rudiannoor, S. Sos
Tidak ada komentar:
Posting Komentar